ពីមួយថ្ងៃទៅមួយថ្ងៃ តារាចម្រៀង ឆន សុវណ្ណរាជ កាន់តែមាន ប្រជាប្រិយភាពឡើងៗ កាលពីចុងសប្តាហ៍ មុនកន្លងទៅនេះ ឆន សុវណ្ណរាជ បានឡើងច្រៀង នៅស្ថានីយ ទូរទស្សន៍ លេខ ៥ នៅពេលនោះ មានអ្នកគាំទ្រ ជាច្រើនរយនាក់ បានទៅ ស្វាគមន៍ ឆន សុវណ្ណរាជ ទៅដល់ ស្ទូឌីយោថត តែម្តង ។
នៅពេលច្រៀងចប់ បទចម្រៀង ឆន សុវណ្ណរាជ ត្រូវក្មេងៗ ទាំងប្រុសស្រី ចោមរោម សុំហត្ថលេខា និង ចាប់ដៃ សំណេះសំណាល ប៉ុន្តែក៏មាន ស្រីក្មេងៗខ្លះ បានសុំ ឆន សុវណ្ណរាជ ថើបជា អនុស្សាវរីយ៍ដែរ ។
ស្រីក្មេងម្នាក់ បានប្រាប់ អ្នកសារព័ត៌មាន នៅពេលនោះថា ពួកនាងមកពីភ្នំពេញ ហើយជាអ្នកគាំទ្រ អ្នកចម្រៀង ឆន សុវណ្ណរាជ ជាងមួយឆ្នាំ មកហើយ ឱ្យតែមាន កម្មវិធីរបស់ ឆន សុវណ្ណរាជ មកច្រៀងនៅតាម ស្ថានីយទូរទស្សន៍ មិនថាចុង សប្តាហ៍ ឬថ្ងៃណានោះទេ នាងតែងតែបបួល មិត្តភក្តិទាំងអស់ ដែលជាអ្នកគាំទ្រនាង មកស្វាគមន៍ និង ស្តាប់ចម្រៀងរបស់ ឆន សុវណ្ណរាជ ។
ឆន សុវណ្ណរាជ ជាអ្នកចម្រៀងនៅ ផលិតកម្មហង្សមាស ហើយរហូតមក ដល់ពេលនេះ គេមិនទាន់ សារភាពថា មានសង្សារនៅឡើយទេ ទោះបីជាមានព័ត៌មានថា មានស្រីម្នាក់ ជួយតារាចម្រៀងនេះ ឱ្យបើកហាងកាត់ដេរ សម្លៀកបំពាក់ និង រកស៊ី ហើយស្រីនោះជា ស្រីស្នេហ៍ លួចលាក់របស់គេ ៕
No comments:
Post a Comment